لو انت مريض ضغط فهتبقى شخص محظوظ جدا

لانها بتزود نسبه اكسيد النيتريك(NO)

وبالتالي بيخفض ضغط الدم وبيزود مرونه الاوعيه الدمويه كانك واخد دوا بالظبط

عشان كده مفيده جدا لمرضى القلب عموما لانها بتمنع تكون الجلطات وتخلي القلب مرتاح

ولو الكوليسترول عندك عالي و الدكاتره عايزين يدولك ادويه من اللي بتموت دي ..فالشيكولاته بتقلل الدهون الثلاثية و الكوليسترول الضار وكمان بتمنع اكسده الكوليسترول الضار

( يعني لو حتي مرتفع ميحصلش اذي من ارتفاعه)

وبترفع الكوليسترول النافع كمان

( وده عشان بتحتوي علي الفلافونول المضادات للاكسده)

ولو عندك سكر او مقاومه انسولين او خايف يجي لك سكر فاحب اقول لك ان الشيكولاته بتحسن حساسيه الانسولين جدا والدراسات بتقول انها استخدامها بشكل يومي بيقلل خطر الاصابه بامراض السكري

كمان الدراسات بتقول انها بتحسن الرؤيه فهيبقى حلوه بالنسبه لي يمكن الواحد يبطل يلبس نظاره

و لو انت بتتعرض لسموم كتير سواء في الاكل أو المياه أو الهواء ..فالشيكولاته بتخلصك من الاكسده بتاعه السموم وبتساعد جسمك في التخلص من السموم دي لانها تعتبر اغني غذاء بمضادات الاكسده علي وجه الارض

وطبعا زي ماحنا عارفين عشان كلنا مضغوطين ومكتئبين ..فالشيكولاته بتحسن المزاج والتركيز والذاكره وبتمنع الزهايمر

وبتحسن القدره علي التعلم والحفظ

وبتزود الانتباه

وإليكي سيدتي الجميله بقي المفاجاه دي

بيحافظ علي صحه الجلد وبيحمي من أضرار الشمس

غير كده بقى فيها مغنيسيوم

( يعني نوم حلو وعضلات قويه) (وزنك وحديد ) يعني مناعه ومعادن ثانيه كتير كمان

اهم حاجه لما تاخدها تبقى بالمواصفات دي

تبقى دارك ( مش اقل من 70%)

الكاكاو يبقي المكون الاول في المكونات

لا تحتوي علي بديل زبده الكاكاو

تكون بدون اضافه سكر

( ولو فيها سكر اقرا المكونات واتاكد ان السكر في نهايه المكونات ده معناه ان الكميه قليله جدا)

خاليه من الدهون المحوله والزيوت النباتية المهدرجه

واختار النوع اللي فيه اقل كميه ممكنه من

المكونات مايبقاش مليان مكونات كتير ونكهات واطعم صناعيه

ما تزودش عن3 مربعات في اليوم لان طبعا سعراتها عاليه واحنا ماشيين بقاعده كلو واشربوا ولا تسرفوا