علماء و أطباء التغذية اكتشفوا معادلة رياضية حديثة وسموها المؤشر الجلايسيمى والمعادلة الهدف منها معرفة مدى سرعة إرتفاع نسبة السكر فى الدم بعد تناول أى طعام يحتوى على سكريات والرقم من صفر الى ١٠٠ .

فمثلا لو أنت شربت أو أكلت عسل زى عسل البرسيم فالمؤشر الجلايسمى عالى توصل ل ٨٥ بس عسل السدر المؤشر بتاعه قليل جدا يوصل ل ٥٠ معناه ايه الكلام ده معناه ان امتصاص عسل السدر بيتم ببطء تقدر تتناوله فى فترات الراحة بليل وقبل النوم وبيرفع السكر بالراحة لمريض السكر مثلا أما عسل البرسيم دا عسل طاقة تقدر تفطر بيه تقدر تاخده قبل الجيم تقدر تاخده قبل اللى كدهوه ههههه وينفع جدااااا لمريض السكر اللى بياخد انسولين ولا اقراص و حصله نزول مفاجئ حاد فى سكر الدم هنا اختيار السدر مش صح الأصح ليه عسل البرسيم .

ايوه ياصديقى ينفع بإضافة بعض الأغذية يعنى لو ضيفت الزبادى على العسل امتصاص العسل هيتم أبطأ بالتالى المؤشر الجلايسمى هينزل كمان لو ضيفت العسل عليه الزبادى عليه الردة هينزل أكتر و أكتر كأنك عملت عسل ممتد المفعول .

الإجابة العسل غذاء حلو غنى بالمغذيات والطاقة والمواد الفعالة أما السكر مثلا بيديك طاقة بس فقير غذائيا دا غير انه بيطيح بالإنسولين فى الدم ومسبب لمقاومة الانسولين والكبد الدهنى عكس العسل علاج للكبد الدهنى أساسا .

العسل كمان فيه ميزة ممتازة العسل شره جدا للميه يعنى بيحفظ الرطوبة فى الجسم للى عندهم جفاف و دى أخر نقطة معانا إن عندك كحة ناشفة جفاف حلق جفاف عين جفاف جلد جفاف كليتين إمساك بسبب جفاف فى الجهاز الهضمى تناول العسل بالميه ياصديقى مش لواحده العسل هيحافظ على جسمك رطب وهيعالج ليك الجفاف ومن كتر مالعسل رهيب فى علاج الجفاف العسل رقم واحد فى علاج الحروق بيحفظ رطوبة النسيج اللى اتحرق وبيمنع تطاير الميه منه فلو لا قدر الله ياست الكل اتلسعت من نار على طول ادهنى عسل بعد غسيل الجلد بالميه .

 

شير لغيرك وقوله أرجوك تناول العسل يوميا الصبح برسيم بليل سدر مع شوية ميه وليمون غذاء رائع مفيد مغذى لجسمك كله وكذلك بكتريا أمعائك الحميدة .