البذور فيها النونو الجنين بتاع النبات زى مأنت بيبقى نفسك تدى عيونك لأولادك النبات وهوه بيكون النونو بتاعه بيديه كل شئ عشان يضمن إن النونو يطلع سليم معافى أنت بتاخد خير النونو لو هتاخد خير بذر الكتان هتاخد معاه زيته الرهيب اللى اسمه الزيت الحار الغنى جدا بالأوميجا ٣ هوه أغنى زيت نباتى بالأوميجا ٣ الأوميجا ٣ لو أنت مزودتهاش فى أكلك جسمك كله هيلتهب أعصابك مفاصلك عضلاتك بس كده لا ألياف بذر الكتان بتتهضم بالبكتريا النافعه وبتطلعلك مواد فعالة لو أنت راجل هتطلعلك مواد فعالة ضد هرمون الذكورة الضار اللى بيعمل تضخم بروستاتا لو إنتى ست هتطلع ليك مواد فعالة تدعم جسمك كبديل للإستروجين لو عندك ضعف قبل ال٤٥ و تساعد جسمك بعد إنقطاع الطمث كبديل للإستروجين طبيعى لعضمك و شرايينك ومنع الهبات الساخنة بس كده لا بذر الكتان غنى بالألياف الذائبة الميوسيل اللى بتشوف إما بتنقع بذر الكتان فى الميه بيخلى الميه بعد كده لزجة اللزوجة الحلوة دى بتخلى أكلك للسكريات النافعه اللى موجودة فى الحبوب زى الحمص ولا الشوفان يطلع تاتا وميطلعش السكر مفاجئ فى الدم فيرهق البنكرياس ويعملك كبد دهنى الميوسيل أو مخاط بذر الكتان كمان بيخليك تدخل الحمام براحتك لا تحس إن الفضلات ناشفة فتعملك بواسير أو إلتهابات فى المستقيم أو إمساك مزعج يخليك تعتل فيطق ليك عرق دوالى و لا تطق رباط فيحصلك فتاق بسبب العتل بس كده لا الميوسيل جميل مرطب للرئتين لو عندك جفاف فى الرئة ولا كحة ناشفة يساعدك بذر الكتان فى علاج الكحة الناشفة .

 

شير لغيرك و قوله بذر الكتان دا النونو الجميل كله صحة وعافية خلق ربنا بسم الله الرحمن الرحيم صُنْعَ اللَّهِ الَّذِي أَتْقَنَ كُلَّ شَيْءٍ صدق الله العظيم . 

 

نونو الكتان الزيت بتاعه بيتزنخ بسرعة أوعى تطحنه وتسيبه بره التلاجه بنطحن على اد الاستخدام والباقى بنعينه فى التلاجة .

نونو الكتان بذره بناخد ملعقة كبيرة إما على كوب زبادى أنا كل مرة بقولك الإستخدام على زبادى لإنى عاوزك تاكلها يوميا الزبادى ياجماعه مهمة جدا جدا عشانها مصدر للبكتريا الحميدة اللى بتموتها إما بتاخد مضاد حيوى ولا مبترعهاش لو قللت أكل الألياف بتموت مابتلاقيش أكل وساعتها البكتريا الضارة هيه اللى هتنمو مكانها فى جهازك الهضمى مش عاوز زبادى انقعها فى ميه نص ليتر مطحونة لمدة ١٢ ساعة ل ٢٤ ساعة عشان تنزل الفايدة و أملاحها تبقى أيونات تتمتص من جسمك مباشرة .