الأوميجا ٣

ستقرأ اليوم فى الأوميجا ٣ مالن تقرأهو أبدا فى أى مكان و تعالى أحكيلك القصة كاملة و طرطأ ودانك معايا لأن بجد الكلام مهم .

الأوميجا ٣ مادة فعالة دهنية حمض دهنى ١١ نوع موجود فى مصدرين اتنين يأما نباتى غير فعال حمضه اسمه ALA واللى الجسم عن طريق مجموعة من الإنزيمات بيحوله للشكل الحيوانى الفعال اللى اسمه EPA و DHA زى بذور الشيا و بذور الكتان غير فعال يأما نباتى برضه بس مصدره الطحالب و اللى انتجت ال ALA وحولتهولك الى EPA و DHA جاهز للإمتصاص و العمل داخل الجسم وبما إن إحنا المصريين ملناش فى أكل الطحالب مع أنها وجبة شهية جداااااااااا أنا كنت باكلها برا مخلله فى غاية الروعة و الجمال بس أحنا فى مصر بناكل اللى بتغذى على الطحالب السمك البورى وبالتالى بتتنقلك الفايدة بتاعت زيت الطحالب إلى زيت السمك إلى معدتك .

 

نرجع للمهم طيب يادكتور ماناخد الاوميجا ٣ من مصدرها النباتى زى بذور الشيا مثلا و خلاص هرد و هقولك ياصديقى للأسف الصدمة ان ما يتحول من الاوميجا ٣ من زيت بذور الشيا هيه فقط ٥٪ يعنى معلقة كبيرة فقط من بذور الشيا بتديك ١٥٪ فقط من اللى محتاجه جسمك يوميى .

هقولك حلو بسبب إن الإنزيمات اللى بتحول الزيوت النباتية الى اوميجا ٣ فعال فيه حد رخم بيزاحم الاوميجا ٣ عليها اسمه ايه بقا اسمه اوميجا ٦ ودا فين دا بكميات رهيبة فى زيت الذرة و دوار الشمس يعنى المقليات بتعيق تكوين وتمثيل الاوميجا ٣ فى الجسم هتاكل مقلى هتتحرم من فوايدها زى ماهشرح .

حلو هل فيه شئ ممكن اخده ينشط عمل الإنزيمات دى ويحد من تأثير الاوميجا ٦ المنيل ده ؟

الإجابة أه زيت الزيتون . زيت الزيتون فيه مادة اسمها اوميجا ٩ بتنشط الإنزيمات دى جدا و بتساعد على هضم وتحويل اوميجا ٣ بذور الشيا وبذور الكتان النباتى إلى أوميجا ٣ الفعال فى الجسم .

وانت بتستخدم بذور الشيا انقعها فى الميه ١٢ ساعه قبل الاستخدام وضيف عليها زيت زيتون بالهنا و الشفا .

ايوه ليه كل الدوشة دى ايه فايدتها ؟

بص ياصديقى موضوع الاوميجا ٣ دا كبير اوى منشور عنهم ٨٠٠ بحث و ١٢٠ تأثير علاجى فى الجسم ل ٥٠٠ مرض مختلف أبرزها الشرايين و القلب والتوحد والسكر والضغط والاكتئاب والفصام و جفاف العين وقصور الكلى والروماتويد والذئبة إلخ.

شير لغيرك وقوله اذا كنت محتاج جسمك يستفاد من الاوميجا ٣ من مصادرها زى الشيا والكتان لازم تتناول يوميا بإنتظام معجزة ربنا زيت الزيتون .