ليه الكبد هو الاسطي بتاع جسمك وليه الكبد الدهني اكبر مشكله في السمنه حاليا .. وازاي تحافط علي صحه الكبد...
ليه الكبد هو الاسطي بتاع جسمك وليه الكبد الدهني اكبر مشكله في السمنه حاليا .. وازاي تحافط علي صحه الكبد...
ليه الكبد هو الاسطي بتاع جسمك وليه الكبد الدهني
اكبر مشكله في السمنه حاليا .. وازاي تحافط علي صحه الكبد... وازاي تعمل ديتوكس تنظيف للكبد من الدايت عشان يرجع قوي ..مهم اوي تقرأوا البوست.. لانه الحل لكل مشاكلك
طيب اي اهميه الكبد ولو سليم انت هتستفاد اي ؟؟
تخيل لو صحة الكبد حلوه يبقي :
مفيش التهابات ..مفيش سموم.. مفيش الام عظام و مفاصل
وخد الكبيره بقي : مفيش سكر ولا كوليسترول ولا نقرس ولا اضطراب هرمونات ولا هالات سوداء و لا ارتفاع ضغط
وكمان يحافظلك علي نضرة الوجه و البشرة وكمان يعلس معدل حرق الدهون وكمان تركيز انتباه و نفسيه افضل 
من الآخر :لو حافظت علي صحه الكبد ..هيحافظلك ع جسمك كله .. لان هو المايسترو بتاع جسمك كله طيب قصه بهدله ومرمطه الكبد معاك بدأت ازاي؟
لخبطت سنين في اكل السكريات والنشويات ومفيش تنظيم خالص ومقضيها اكل من بره صح!! بعدها لاحظت ان بطنك بدأت تزيد . فانت للاسف عندك مقاومه انسولين
والدهون اللي علي الكبد ... دي أساس كل المشاكل ..
بطنك زادت قدامك( طلع كرش) طنشت وتقول لنفسك ماكل الناس بتاكل هي جت عليا ... هووب جالك مقاومه انسولين...طنشت جالك كبد دهني.. طنشت جالك سكر روحت للدكتور خدت علاج السكر.. وفاكر انك بتتعالج !!
لااااا والله ..انت فاهم غلط !!
طنشت برضه جالك ضغط.. تفوق بقي .. !!؟
لا طنشت برضه وخدت العلاج !!
روحت حللت تشوف فيه ايه كمان بايظ؟؟هووب تلاقي خمول ف الغده الدرقيه وأمراض مناعه ذاتيه ..
ولقيت في كلستيرول ودهون ثلاثيه ونقرص وكلهم عاليين
هتروح للدكتور هيديلك .. علاج ليهم ؟؟؟
ناهيك طبعا عن النفسيه اللي هتبقي في الأرض ..
هوب تلاقيك في اليوم بتاخد ١٠ أصناف دوا .. حرام عليكم نفسك ..دي مش حياه بجد .. انتوا في عز شبابكم !وبرضه هتفضل تعبان للاسف والاعراض كلها عندك زي ما هي مع انك بتاخد العلاج!! .. كل ده وانت في عز شبابك
وصدقني هتلف علي كل العيادات ومن روشته لروشته ودوا لبديله...و المشكله زي ماهي!! ليه بتعملوا في نفسكم كده!! كل ده.. ولسه محلتش اي حاجه والله ؟
لأن اصل المشكله موجود لسه!! وهو الكبد الدهني...فهمتوا ؟؟
هتروح تخس .. تلاقي النزول وحش وتكسل تكمل عشان مفيش نتيجه .. ي باشا انت فاهم غلط والله والدكتور كان لازم يفهمك حالتك وتمشي علي نظام معين ....مش اي نظاملازم تبقي عارف انك الكبد بتاعك مخنوق من الدهون وكسلان .. ف لازم تتعب شويه عشان تلاقي نتيجه وهتاخد وقت ولازم مع دكتور شاطر اووووي طاب ايه اللى يخلى الدهون اللى على الكبد دى تروح ؟!" نظام الأكل " فقط لاغير .... وخدها مني ده مش رأيي دي الحقيقه ...مفيش حاجه هتساعدك ترجع الكبد لكامل صحته .. الا الكبد نفسه 
الكبد الدهني مالوش علاج دوائى نهائي ؟ ولا حبوب والله رغم انه اساس المشكلة كلها من اولها لاخرها تخيل معايا!! ولو عالجته كل ما تشتكى به من امراض هتختفى حرفيا !وسيادتك لو خدت اي علاج من غير ما تعالجه .. انت بتدفع فلوس في الأرض لان الكبد لسه عطلان والمشكله هتزييد ب امراض تانيه كتير زي م قولنا فوق
تاني هقولها دهون الكبد هي جذور المشكلة والمشكلة نفسها دهون الكبد خلت الكبد معتش قادر ينظملك السكر او الضغط او الكوليسترول او الغده ..لو تم علاجها، ستختفي جميع الأمراض اللي بتشتكي منها حرفياً! .. وصدقني في كل كلمه بقولها
الحل والعلاج ؟اكلك ثم أكلك ثم اكلك ونظامك الغذائي.. ولازم تتابع مع دكتور فاهم اوي وهنا هتستحمل شويه معايا .. لان الدايت هيكون صعب شويه في الاول لكن هترتاح بعدين.. جدااااا
افضل نظام هو الصيام ( اسلامي أو متقطع )
بمعني انك هتنقطع عن الاكل اطول فترة ممكنه من اليوم .. خلى الجسم يصلح نفسه بنفسه .. يرجع تانى يشوف ايه اللى باظ فى جسمك و يصلحه +
كمااان طول فتره الدايت ..قلل قلل قلل قلل لدرجة قريبه من المنع ..كل ما هو سكر او كربوهيدرات ..خليه ياخد من الشوية اللى عليه اللى زودوا حجمه وسببه تضخمهالموضوع اجباري لو بتخاف علي صحتك .. فاهمين ؟! طيب انت عاوز تعمل ديتوكس تنظيف للكبد عشان يرجع اقوي من الاول ويشتغل معاك زي الفل زي ما قولت الكبد من اهم الاعضاء اللي في جسمك بيعمل اكتر من 500 او 600 وظيفة زي أنه !
بيصنع بروتينيات و يفلتر كل حاجة جاية من الامعاء وبيعمل ديتوكس وتنضيف لكل حاجة في جسمك و بيساعد في الهضم عن طريق العصاره الصفراوية
لازم وانت عامل دايت تعمل ديتوكس لكبدك حتي لما ربنا يكرمك وتوصل للوزن المثالي .. تعمله شهر في السنه عشان تفوق الكبد بتاعك وتخلص جسمك من السموم
اول حاجه مفيش حاجه اسمها ديتوكس وانت ملخبط في اكلك ومش عامل دايت .. من الآخر ده مع ده
ديتوكس الكبد بمنتهى البساطة اول حاجة هتمنع اي حاجة تأذي الكبد زي
الكحوليات بتبهدل الكبد ..ربنا يعافينا
وهتمنع أي مواد مصنعة و أي حاجات محفوظة و أي حاجه مكتوب عليها مده صلاحيه سنتين وتلاته .. ربنا مخلقش حاجه تقعد سنتين .. دي كلها مواد حافظه ودي مؤذية للكبد وهتمنع أي ادوية ملهاش لازمة ..هتمنع أي مسكنات ملهاش لازمة حتى البارسيتامول الخفيف ده ..برضه بيأذي الكبد
اهم حاجه تمنعها .. الزيوت المهدرجة
واهم حاجه للمره المليون دايت يناسب حالتك ..
اهم حاجه فيه تقلل لدرجه قريبه من المنع السكريات والنشويات.. لأنها السبب الأول في الكبد الدهني والكرش
شويه حاجات تفيد الكبد جدا جدا ركز معايا هتجيب حزمه كرفس و بقدونس و جرجير .. يعني واغسلهم واغليه وخدههم بالمياه بتاعتهم اضربهم ومتصفيش الخليط..واشربه ساقع ..تحفه للكبد.. اشربه مرتين يوميا
تاني حاجه.. خل التفاح لو انت خدت معلقة صغيرة على كوب ميا كبير بعد الأكل مرتين في اليوم يعمل ديتوكس
محترم و قوي للكبد ويقلل الكبد الدهني ( لو عندك مشاكل في القولون أو قولون تقرجي أو قرحه ف المعده متعملهاش )
تالت حاجه .. عشبة حليب الشوك ساحرة الكبد والمنقذ
الأول للكبد من السموم هاتها من اي عطاره نضيفه
( معلقه علي كوب ماء مغلي) اشربه مرتين أو ٣ مرات يوميا
رابع حاجه عصير البنجر .. بينضف الكبد بجد وكمان حلو للانيميا ..سكره عالي ايووه .. ف هناخد حبه صغننين ونسلقهم واضبب في الخلاط .. ويا سلام كمان تحط معاها جزرايه واحده وكمان قشر التفاح واضربهم في الخلاص ..واشرب وادعيلي مرتين او تلاته في الاسبوع ..
لما تعمل الخليط ده .. بتعيد احياء خلايا الكبد المتضررة
أو Regeneration .. جربه وادعيلي 
كبدك شايل كتير اوووي ... حافظ عليه.. اعمل ده شهرين في السنه متواصلين عشان الكبد يكمل معاك ب كفاءة عاليه اوي
قسما بالله التزم كمان فالدايت معايا من ٤ ل ٥ شهور .. وطنش حاجه اسمها ميزان لان لو فيصلك ميزان تخس .. ف انت كده فاهم غلط !(( وتابع مع طبيب تغذيه فاهم حالتك "لأن كل حاله غير التانيه يعني انتي غير اختك " ... الرحله محتاجه دعم وصبر .. هتبقي صعبه عليك لوحدك وهتزهق بسرعه ))
اوعدك بعد صبرك والتزامك هتلاقي نتيجه محترمه .. وامراضك كلها هتخف .. وبعدها استعيد صحتك وادعيلي زي ما بقول دايما كل مشاكل العصر الصحيه راجعه لسلوك الاكل الخطا.. ف مش عشان كل الناس بتاكل الاكل دهأن هم يبقوا صح بالعكس كله بيعاني....كلهم هنا بيعيطوا
خلي عندك اراده وقرار ..ان كفايه كده استهتار بصحتي وانك تغيري حياتك وتنقذي نفسك من مشاكل في عز شبابك .. انتي في غني عنها والله
اللهم بلغت اللهم اشهد 
منقول
إرسال تعليق