ربنا خلقنا نقدر نتحمل الإرهاق والمجهود حتي لو كان كبير ..ممكن اشتغل وقت طويل واقدر اتحمل

(لقد خلقنا الانسان في كبد)

امال ايه اللي ممكن يمرضك

..الغضب والضغط

والغضب مش بيجي من الشغل نفسه

يعني انت لو شغال شغل طبيعي وبتبذل مجهود والشغل ده صعب مش هتغضب ولا هتزعل

الغضب غالبا بيجي من البشر اللي حوالينا

مديرك في الشغل/ صاحبك / قريبك/ ناس يتشوفهم في الشارع / مراتك( او جوزك)

ده بقي خطير ويسبب الأمراض لانه بيرفع بشده هرمون الكورتيزول

عشان كده ممكن يرفعلك سكر الدم و الضغط وياثر على الشرايين والاوعيه الدمويه

و يجبر الكبد انه يضخ كولسترول زياده

( فتبقي مريض كوليسترول )

ويوريك اسيد زياده( يجيلك نقرس )

يخلي حرقك ضعيف ويجمع دهون في منطقه البطن ويجيلك كرش

و ياثر على الكتله العضليه يخلي العضلات تضعف

ياثر على التركيز والذاكره

يؤثر على حمض المعده ويجيلك ارتجاع في المريء

ياه كل ده من الغضب ايوه

عشان كده دي كانت وصيه سيدنا النبي صلى الله عليه وسلم...

لا تغضب

ذهب رجلا قال للنبي صلى الله عليه وسلم : أوصني ، قال :

( لا تغضب ) فردد مرارا ، قال : ( لا تغضب ) رواه البخاري .

استعينو بالله وحاول لاتغضب وابعد عن كل من يسبب لك الضغط العصبي والضيق ..