أعلنت مايكروسوفت عن مساعد ذكي جديد اسمه “Dragon Copilot” مخصوص لقطاع الرعاية الصحية.

الفكرة من المساعد ده إنه يسهل على الأطباء والممرضين شغلهم ويوفر عليهم وقت ومجهود، بكتابة التقارير الطبية بشكل سريع ودقيق وكمان بيقدم تحليلات متقدمة تساعدهم على اتخاذ القرارات الطبية الصح.

 

دراجون كوبايلوت بيعتمد على تقنيات الذكاء الاصطناعي عشان يفهم اللي الأطباء بيقولوه ويحوّله لتقارير طبية منظمة، وكمان بيقدر يتعامل مع لهجات وأساليب كلام مختلفة، فمش محتاج تتكلم بطريقة معينة عشان يفهمك. وده طبعا هيساعد الأطباء إنهم يركزوا أكتر مع المرضى بدلاً ما يقعدوا يكتبوا تقارير لوقت طويل.

 

مايكروسوفت قالت إن الهدف من “Dragon Copilot” إنه يبقى زي شريك في العيادة أو المستشفى، بيشارك في تنظيم الشغل وتقديم نصايح مبنية على تحليل البيانات. كمان، بيتوقع إن الخدمة دي تخفف العبء عن الأطباء وتسرّع عملية اتخاذ القرار في الحالات اللي محتاجة تدخل سريع.

المصدر: العربية .