بس بصراحه بعد ما اكتشفت الكنز اللي فيه..

قررت اني احطه في مكان يليق بيه ..

واقولك علي أسراره العلاجيه اللي مافيش دكتور هيقولهالك

ياتري هو ليه طعمه مميز وحاد اوي كده

لانه من اغني النباتات بالمركبات الكبريتيه

واشهر ماده فعاله فيه اسمها اليسين الماده

( ودي اللي بتسبب اغلب الفوائد الصحيه بتاعته)

وللعلم دي مش مستقره وعشان تحصل عليها بشكل عالي لازم تاخد التوم فريش وتكسره في ساعتها او تقطعه مباشره

وبرغم انه ما لوش تقريبا سعرات حراريه

( منخفضه جدا)

لكنه غني جدا بالفيتامينات والالياف وكمان السيلينيوم المهم اوي للمناعه والذكوره

الدراسات اكدت ان اللي بياخد الثوم باستمرار مناعته اقوى بكتيييير وحتى اعراض البرد لما بتجيله بتبقى اقل حده وله خواص مضاده للفيروسات وحتي بتمنع دخول الفيروسات داخل خلايا الجسم

كمان الثوم ممكن يخليك تستغني عن علاج الضغط تماما

لانه بيخفض الضغط بشكل مباشر

بنفس تأثير بعض الادويه الخافضه للضغط وبدون اثار جانبيه ..(طبعا الكلام ده تحت اشراف طبي )

دراسه كبيره جدا سنه 2020 اثبتت الكلام ده وكمان بيقلل المشاكل اللي بتحصل في القلب والاوعيه الدمويه بنسبه 40%

وده عشان بيعمل ارتخاء ف الاوعيه الدمويه فبيخلي الدم يمشي اسهل

ده غير ان في 2018 اتعملت دراسه عليه قالت ان استخدامه بيقلل الكوليسترول الضار بشكل مباشر

يعني كمان ممكن يخليك تسيب دواء الكوليسترول

يعتبر كمان قنبله من مضادات الاكسده عشان كده بيحافظ على وظائف الادراك والمخ والزهايمر وبيحسن الذاكره

واغرب دراسه بقى سنه 2019 اتعملت في الصين قالت ان الناس اللي بتستخدم التوم مره واحده في الاسبوع بيعيشوا اطول ( السبب لكده انه بيحسن المناعه فبيحمي من الامراض اللي ممكن تاثر على كبار السن اللي عندهم ال بتبقي ضعيفه )

وحتي لو انت رياضي بيحسن جدا من الاداء بتاعك

(كانوا بيستخدموه في الاولمبياد في الحضاره اليونانيه القديمه والدراسه الحديثه اثبتت انه بيزود الاكسجين داخل الخلايا وبيخلي نفسك افضل )

ولو تتعرض باستمرار لمعادن تقيله او مواد مسممه

(ودي للاسف ممكن تيجي من الادويه او الملوثات وبتدمر اجهزه الجسم).بيقدر يخلصك من السموم دي كلها ويمنع تراكمها ف الاعضاء

المفاجاه الكبرى كمان انه بيحمي العضم وبيمنع هشاشه العظام عند السيدات بعد انقطاع الطمث واللي بيبقى منتشر في التوقيت ده

كل ده وكمان يعتبر مقوي جن.سي قوي جدا

مشكلته الريحه الغير مستحبه ( ودي ممكن نتغلب عليها باستخدام النعناع أو القرنفل )

وفي ناس عندها حساسيه منه..مينفعش تاخده

ولو بتاخد ادويه للسيوله لازم تسال الدكتور الاول لو هتزود الجرعه او هتاخد كميه كبيره منه

اهم قاعده هي قاعده اسمها( العشر دقائق)

وهي ان تاكل التوم بعد سحقه ب 10 دقائق مباشره

( عشان الماده الفعاله دي حساسه جدا وغير مستقره ..وف نفس الوقت بتبقي احسن وقت لامتصاصها بعد كسر فص الثوم )

افضل وقت للتناول اثناء الاكل مع الطعام ولو معدتك كويسه ممكن تاخده قبل الاكل عادي

( مع العلم أنه ممنوع للناس اللي عندها التهابات شديده ف الجهاز. الهضمي )

الطبيعه فيها ادويه مفيده جدا من غير تكلفه

بس احنا بنعشق الكيمياء