أكل الفاكهة بعد الأكل هل هو عادة جيدة وصحية ولا لا ؟
أكل الفاكهة بعد الأكل هل هو عادة جيدة وصحية ولا لا ؟
أكل الفاكهة بعد الأكل هل هو عادة جيدة وصحية ولا لا ؟
و أكل التمر مع الأكل عادة جيدة ولا لا وتعال أحكيلك القصة ونعرف مع بعض الفرق .
أكل الفاكهة مع الأكل وخاصة الأكل اللى فيه نشويات زى السكر و القمح و الأرز عادة فى غاية السوء لأن الفاكهة سريعة التخمر أنت عندك بكتريا معوية أول مابتشوف الفاكهة بتنشط جدا وبتاكل المغذيات دى و بتخمر الأكل بسرعة كبيرة جدا خاصة لو أديتها سكر ذى الخميرة بالظبط لو حطيت معاها شوية ميه وسكر فى كوباية هتلاقيها فى دقايق معدودة فارت وعملت غازات فى الكوباية وفوران زى الفوار بتاع الصيدلية بالظبط فلذلك أكلك للفاكهة مع الأكل يحصلك إنتفاخ مباشر مؤذى جدا بينفخ القولون وبالتالى يضغط القولون على الحجاب الحاجز ويخليك مش قادر تاخد نفسك .
هل الكلام ده ينطبق على الخضروات ؟
لا الخضروات مافيهاش سكريات الفاكهة أقدر أكلها مع الأكل عادى جدا .
طيب ليه التمر مختلف ؟
نسبة السكر فى التمر لا تسمح بذلك التخمر بالحدوث ولذلك مش مؤذى أذية أكل الفاكهة خالص مع الأكل .
طيب ماهو الوقت المناسب لتناول الفاكهة ؟
قبل الوجبات ودا الأفضل جدا جدا جدا تستفاد من الفاكهة بكل فوايدها بدون التخمر المزعج اللى بتسببه على الأقل قبل الأكل بساعة.
طيب هل فيه دراسة أكدت الكلام ده
أيوه فى دراسة أكلينكية نشرت فى نوفمبر ٢٠١٩ فى المجلة الدولية لبحوث البيئة والصحة العامة خلاصة نتائجها إن تناول الفاكهة ١٢٠ جرام من التفاح قبل الوجبات بساعة ونصف زود الشعور بالشبع جدا ونشط الهرمون اللى بتنشطه حقن المانجارو glp وقلل على الأقل من ٢٠٪ من كمية الطعام اللى أكلها المشاركين فى الدراسة قبل الوجبات ب٦٠ دقيقة و٩٠ دقيقة و ١٢٠ دقيقة .
شير لغيرك وقوله أرجوك لا تأكل الفاكهة بعد الأكل وأفصل بينها وبين الأكل ساعة أو أكثر عملا بالأيه الكريمة
بسم الله الرحمن الرحيموَفَاكِهَةٍ مِّمَّا يَتَخَيَّرُون وَلَحْمِ طَيْرٍ مِّمَّا يَشْتَهُونَصدق الله العظيم
الفاكهة قبل الوجبات عادة صحية ممتازززة ومثبته علميا والفاكهة والحلويات بعد الأكل عادة صحية مؤذية جدا لشهيتك وقولونك وجسمك .
دمتم بصحة
إرسال تعليق