الخروب القرون بنت عم الفانيليا بذورها من اسمها kerateeon سمي القيراط الذهبى على اسمها وهوه وزن 200 مليجرام أو خمس الجرام وأول من استخدمها فى القياس الذهبى كان إمبراطور القسطنطينية قسطنطين حيث كانت هى مركز سك العملة فى ذلك الوقت وكانت عملته تساوى ميزانها ذهبا خالصا 24 حبة من بذور الخروب . 

 

تعالو بينا نعرف غذائيا إيه اللى يحصل لجسمى إن تناولت 100 جرام من الخروب يوميا .

١- السعرات ٢٢٩ سعر حرارى .

٢- الألياف ٤١ جرام ألياف ١٥٠٪ من اللى جسمك محتاجه يومى .

٣- بروتين ١٠٪ من اللى جسمك محتاجه من البروتين .

٤- الكالسيوم ٣٠٪ من احتياجاتك من الكالسيوم .

٥- البوتاسيوم ٢٠٪ من احتياجك من البوتاسيوم .

٦- درجته كمسبب للإلتهاب على مقياس الإلتهاب سالب ١٨ يعنى بيسحب الإلتهاب من جسمك علاج للإلتهابات .

٧- درجة حمله على الكليتين على مقياس الحمل الحامضى على الكليتين سالب ١٩ يعنى بيسحب الحمل من الكلى بينضف الجسم كعمل الكلى ومساعد همام ليها .

أول و أهم إستخدام من وجهة نظرى قدرته الغير عادية فى ظبط حركة الطرد المركزى للأمعاء ومنع الإرتجاع المريئى وبالتبعية علاج فعال لحموضة المعدة النبات أمن لدرجة إن التوصيات لإستخدامه للأطفال الصغار الرضع .

الخروب أقوى علاج للإسهال للصغار والكبار .

أما تأثيره الممتاز فى تنظيف شرايين الجسم من الدهون فهو على ثلاث محاور المحور الأول خفض الضغط الكلوى و المحور الثانى محتواه العالى من الألياف كمغناطيس للدهون وأخيرا ليه دور لدعم قلوية الجسم .

فى النهاية شربك للخروب مش محتاج سكر متبوظش فوايده أرجوك وبلاش اللون والطعم والسكر اللى بتباع على أنه خروب أرحمنا و اشترى خروب طبيعى وابعد عن السم الهارى التانى أنا شفت فيديو لعيل مفترى عطار بيعلم بتوع العصير إزاى يغشو الخروب حاجة غلب وافترا.