جسمك اللي واقف بيه وبتتحرك دلوقتي معمول على هيكل اسمه الجهاز العظمي (Skeletal System).

عدد العظام في الطفل المولود حوالي ٢٧٠ عظمة، ومع النمو والالتحام يوصل في البالغ لحوالي ٢٠٦ عظمة.

القوة والصلابة:

العظم أقوى من الحديد مقارنةً بالوزن… تخيل إن قطعة عظم صغيرة ممكن تتحمل أضعاف وزنها.

ده لأن تركيبها فيه مادة الكولاجين (Collagen Fibers) اللي تدي مرونة، ومعادن زي الكالسيوم والفوسفور اللي يديوا صلابة.

التجديد الذاتي:

العظام مش صلبة جامدة زي ما الناس فاكرة… دي نسيج حي، فيه خلايا اسمها:

Osteoblasts تبني العظام.

Osteoclasts تهدم العظم القديم.

وده يخلي الهيكل العظمي كله يتجدد كل ١٠ سنين تقريبًا!

المصنع الداخلي:

جوا العظام في منطقة اسمها نخاع العظم (Bone Marrow)… وده مصنع إنتاج الدم!

بيصنع كرات الدم الحمراء والبيضاء والصفائح، يعني حياتك كلها طالعة من جوه العظم.

الحماية:

الجمجمة بتحمي المخ ، القفص الصدري يحمي القلب والرئة ، والعمود الفقري يحمي الحبل الشوكي.

وكأن ربنا عامل نظام دفاع طبيعي حوالين أهم أعضائك.

ولو فقدت الكالسيوم أو فيتامين د… العظام تضعف ويظهر مرض زي Osteoporosis (هشاشة العظام)، وده يخليك تحس قد إيه النعمة كبيرة طول ما عظامك سليمة.

آية بتفكرنا إن العظم مش بس دعامة، ده دليل على البعث والإحياء.

فزي ما عظامك شايلة جسمك دلوقتي… محتاج إيمانك يشيل روحك في طريق الآخرة.